गोकुलेश्वर।महेन्द्रनगर हुँदै भारतीय सीमा बजार बनबसा पुगेका ४ जना चिनियाँ नागरिकलाई त्यहाँको अदालतले पाँचरपाँच वर्षको कैद सजाय सुनाएको छ ।
कोरोना संक्रमणको समयमा बिना राहदानी भारतीय सीमामा प्रवेश गरेको आरोपमा उनीहरुमाथि भारतीय प्रशासनले मुद्दा दर्ता गरेको थियो ।
भारतको चम्पावतस्थित मुख्य न्यायीक मजिस्ट्रेट अरुण बोहराले चारै जनामाथि अलग–अलग धारा अन्तर्गत ४५र४५ हजार रुपैयाँ जरिवानाको पनि फैसला सुनाएका छन् ।
२७ जुलाई २०१९ मा उनीहरु महेन्द्रनगर हुँदै भारतीय सीमा बनबसामा प्रवेश गरेका थिए। जिनयोङ लियो, हेपनिङ ली, सुजैन बैंग, गुङचुक बैन र एकजना तिब्बती नागरिक खष्टे सिङपेलाई प्रहरीले तत्काल हिरासतमा लिएको थियो ।
पाँचै जनासँग राहदानी थिएन । उनीहरुसँग मतदाता परिचयपत्र भने फेला परेको थियो । भारतीय प्रशासनका अनुसार ती परिचयपत्र पनि नक्कली थिए ।
तिब्बती नागरिक खष्टे सिङपेको भने कोरोनाका कारण दिल्लीमा मृत्यु भएको थियो । बाँकी चार जना भने अदालतको फैसलापछि चम्पावतस्थित जेलमा छन् । साभार सीमारेखा
