बैतडी।जिल्लाको डिलाशैनी गाउँपालिकामा भूकम्प धक्का आएको बेला घरभित्रबाट बाहिर भाग्न खोज्दा एकजनाको मृत्यु भएको छ ।
डिलाशैनी गाउँपालिका—१ सेल्तडाका ६६ वर्षीय हरी लुहारको शनिबार राति ८ बजेर १२ मिनेटमा ५ दशमलव १ म्याग्नुच्युटको भूकम्पका आएको बेला घरभित्रबाट भाग्ने क्रममा घरको सिँढीबाट लडेर राति ११ बजे मृत्यु भएको हो ।
मृतक लुहारको परिवारलाई गाउँपालिका,नेपाल रेडक्रस सोसाइटी,नेपाल स्काउट लगायतका अन्य संघसंस्थाहरुले किरिया खर्च र अन्य सामग्री प्रदान गरेको छ ।
गाउपालिका अध्यक्ष सन्तोषप्रकाश जोशी,उपाध्यक्ष भगिरथसिंह बोहरा,प्रमुख प्रसासकिय अधिकृत गणेश बोहरा,वडा नम्बर १ का अध्यक्ष ,नेपाल स्काउट,नेपाल रेडक्रस सोसाइटी लगायतको टोलीले मृतकको घरमै पुगेर २० हजार किरिया खर्चसहित कम्बल,चामल, नुन, तेल ,साबुन, लगायत अन्य खाद्यानहस्तान्तरण गरेको नेपाल स्काउट डिलाशैनीका संयोजक तेजराज जोशीले जानकारी दिए ।
