झापा । झापामा छुट्टाछुट्टै ठाउँमा भएको मोटरसाइकल दुर्घटना हुँदा दुई जनाको ज्यान गएको छ । यस्तै दुई जना घाइते भएका छन् ।
कनकाई नगरपालिका–९ मा प १–०२–०४० प ७६४० नम्बरको मोटरसाइकल सडक छेउको नालीमा पल्टिँदा मोटरसाइकलका चालक सप्तरी सप्तकोशी नगरपालिका–९ का केशव गौतमको ज्यान गएको प्रहरीले जनाएको छ । मोटरसाइकलमा रहेका १३ वर्षका छोरा सङ्केत गौतमको झापाको बीएन्डसी अस्पतालमा उपचार भइरहेको छ ।
यस्तै झापाको कमल गाउँपालिका–६ ताजपुरिया चोकमा मोटरसाइकलको ठक्करबाट एक पैदलयात्रीको ज्यान गएको छ । ज्यान गुमाउनेको परिचय खुलेको छैन । मोटरसाइकल चालक २८ वर्षका साहिल आचार्य घाइते भएका छन् । आचार्यले चलाएको प १–०१–०१४ प ६९७८ नम्बरको मोटरसाइकलले पैदल यात्रुलाई ठक्कर दिएको थियो । उज्यालोबाट
