गोकुलेश्वर। दार्चुलाको शैल्यशिखर नगरपालिका—९ गोकुलेश्वरस्थित मोटरेबल पुलबाट हाम फालेर एक पुरुष चमेलिया नदीमा बेपत्ता भएका छन् ।
सोमबार दिउँसो करिब साढे १२ बजेतिर मोटरेबल पुलको बिच भागबाट हाम फालेर चमेलिया नदीमा बेपत्ता पुरुषको पहिचान खुलेको छैन् ।
बेपत्ता पुरुषको मोटरेबल पुलमा झोला फेला परेको छ । झोलामा कपडा छन् । अवस्था अज्ञात छ । उनको खोजीका लागि इलाका प्रहरी कार्यालय गोकुलेश्वरको टोली खटिएको छ ।
३,४ वटा टोली चमेलिया नदीमा खटाएर खोजी कार्य गरिरहेको इप्रका गोकुलेश्वरका इन्चार्ज एवं प्रहरी निरीक्षक मानसिंह ऐरीले बताए ।‘प्रहरी टोली खोजी कार्यमा छ । बस्कोट,पञ्ज्युनयाँ,चम्तडी र सल्सेनामा आसपास चमेलिया नदीमा खोजी गरिरहेका छौं । अहिले सम्म भेट्टाएका छैनौं ।’ उनले भने ।
