गोकुलेश्वर।दार्चुलाको शैल्यशिखर नगरपालिकाले मंगलबार (आज) शोक विदा दिएको छ ।
नगरपालिकाले सोमबार एक सूचना जारी गर्दै शैल्यशिखर नगरपालिका—२ का वडा सचिव एवं कृषि शाखा नायव प्राविधिक सहायक खेमराज कपाडीको मोटरसाइकल दुर्घटनामा परि निधन भएकोले नगरपालिकाले विदा दिएको जनाएको हो ।
शैल्यशिखर—२ रौतेउडा घरभएका २८ वर्षीय कपाडीको बैतडीको दोगडाकेदार गाउँपालिका—५ सल्सेनामा मोटरसाइकल दुर्घटनामा परि मृत्यु भएको थियो ।
कपाडी आइतबार बिहान ४ बजे घरबाट डडेल्धुरा तालिमका सहभागिहुन् हिंडेका कपाडीको शव र मोटरसाइकल सोमबार सल्सेनाको भरिमा भेटिएको थियो ।
मोटरसाइकल सडकबाट तल भिरमा करिब १ सय ५० मिटरमा भेटिएको थियो भने शव सोही भन्दा अलि माथि भिरमा भेटिएको थियो ।
