गोकुलेश्वर । रौतहटमा एक युवकमाथि घरेलु हतियार भाला प्रहार भएको छ । फतुवा विजयपुर नगरपालिका वडा न ८ का २६ वर्षीय शम्भु राम भाला प्रहारबाट घाइते भएका हुन् ।
शनिबार साँझ ७ बजेतिर पुरानो रिसिबीको कारण स्थानीय १८ वर्षीय सदरे आलमले राममाथि भाला प्रहार गरेको रौतहटका प्रहरी प्रवक्ता डीएसपी उमाशंकर यादवले जानकारी दिए ।
दायाँ कोखामा भाला लागेर राम घाइते भएका छन् । उनको वीरगञ्जस्थित हेल्थ केयर अस्पतालमा उपचार भइरहेको छ ।
भाला प्रहार गर्ने आलमलाई पक्राउ गरेको डीएसपी यादवले बताए ।
