गोकुलेश्वर । हरितालिका तीज नजिकिँदै गर्दा कलाकारको भरिभराउ हुने गीत रेकर्डिङ स्टुडियोमा चहलपहल देखिएको छैन । तीजका गीतहरू पनि उल्लेख्य मात्रामा सार्वजनिक भएका छैनन् । गत वर्ष यसबेलासम्म दर्जनौँ तीजका गीतहरू बजारमा आइसकेका हुन्थे ।
आर्थिक मन्दीका कारण होटल,रेस्टुरेन्ट तथा व्यापार व्यवसाय सुस्त हुन थालेका छन् यसको सिधा असर मनोरञ्जन क्षेत्रमा पनि देखिएको छ ।
वैशाखबाटै तीजका गीतहरू युट्युबमा आइसक्थे । तर अहिले साउन लागिसक्दा पनि फाट्टफुट्ट मात्र तीजका गीतहरू रेकर्डिङ भएका छन्
कोरोना महामारीमा पनि चलिरहेको रेकर्डिङ स्टुडियो यस वर्ष भने सुनसान नै बनेको सञ्चालकहरू बताउछन् ।
