गोकुलेश्वर । घरमा श्रीमति हुँदाहुँदै अर्की बिहे गर्ने कञ्चनपुरको बेलौरी नगरपालिका–८ का कृष्ण राना अन्तत : जेल चलान भएका छन् ।
बहुविवाहको मुद्दामा कञ्चनपुर जिल्ला अदालतले २०७८ पुस महिनामा कैद र जरिवाना सुनाएका राना फरार थिए ।
अदालतले उनलाई १० महिना चार दिन कैद र १० हजार रुपैयाँ जरिवाना फैसला गरेको थियो ।
बुधबार जिल्ला प्रहरी कार्यालय कञ्चनपुरको टोलीलाई रानालाई उनकै घरबाट पक्राउ गरेर जिल्ला अदालतमा बुझाएको छ ।
अदालतले कैद भुक्तानका लागि रानालाई बुधबार नै कारागार चलान गरेको छ ।
