रास्वपाकी सांसद तोसिमाका ‘पीए’ श्रीकान्तले डिलाशैैनीबाट मासिक भत्ता पचाउँदै

गोकुलेश्वर। राष्ट्रिय स्वतन्त्र पार्टीकी प्रतिनिधि सभा सदस्य तोसिमा कार्कीका पीए श्रीकान्त रानाले बैतडीको डिलाशैैनी गाउँपालिकाबाट भत्ता खाने गरेको खुलासा भएको छ ।

डिलाशैनी स्थायी घर भएका रानाले गाउँपालिकाबाट पनि नियुक्ति लिएर तलब भत्ता पचाउँदै आएको खुलेको हो । करिब ४/५ महिना अघि रानाले डिलाशैैनीमा राजनैतिक नियुक्ति लिएको खुलेको हो ।

सद्भावना दुत एवं स्वयंसेवकका रुपमा रानाले नियुक्ति लिएर भत्ता पचाइरहेको खुलेको छ । अहिले सो विषयलाई लिएर समाजिक सञ्जालमा आलोचनाले बतार तातेको छ ।

दोहोरो जिम्मेवारी लिएर सरकारी सेवासुविधा लिइरहेका उनको बारेमा विभिन्न टीकाटिप्पणीको ओइरो लागेको छ ।

जनप्रतिनिधि लगायतको ‘चाकडी’ गरेर उनले सो नियुक्ति लिएको आरोपसमेत लागेको छ । 

यता गाउँपालिकाका अध्यक्ष सन्तोषप्रकाश जोशी यस विषयलाई स्वभाविक लिनुपर्ने बताउँछन् । उनले समाजमा रहेका विकृति न्यूनीकरण तथा सामाजिक सद्भाव कायम गर्नका लागि नियुक्ति दिइएको बताए । उनका अनुसार अन्य ४ जना दुतका रुपमा क्रियाशील छन् ।

उनीहरुको सेवा सुविधाका सन्दर्भमा भने एउटा कार्यविधि बनाएर सोही अनुसार (भत्ता) दिने गरेको पालिकाका अध्यक्ष जोशीले बताए । तर, के कति भन्नेबारे भने उनले खुलाउन चाहेनन् । तर, स्रोतका अनुसार रानाले काठमाडौंमै बसेर बेकामे १५ हजार मासिक बुझिरहेको बताइन्छ ।

त्यस्तै,यो विषयमा श्रीकान्त रानाको ९८६१५४२९२७ नम्बरमा फोन गरि बुझ्दा काम गरिरेहको मान्छेलाई फोन गरेर डिस्र्टव गर्ने काम नर्गनुहोस भन्दै उक्त विषयमा आफुलाई केही थाहा नभएको र सम्बन्धी व्याक्तीलाई बुझ्न भन्दै फोन काटे । उनले भने,‘यो विषयमा सम्बन्धीत व्याक्तीलाई  बुझ्नुहोस । मलाई थाहा छैन् । काम गरिरेहको मान्छेलाई फोन गरेर डिस्र्टव गर्ने काम नर्गनुहोस ।’

यस्तै डिलाशैनीकै कर्मचारीहरुले पनि यसको विरोध गरेका छन् । पालिकाका एक कर्मचारीले यो सबै कार्यकर्ता पोस्न गरिएको र यसरी राजनैनिक रुपमा नियुक्ति दिइएको आरोप लगाए । 

गाउँ कार्यपालिकाबाट कार्यविधि बनाएर उनीहरुलाई नियुक्त गरिएको थियो ।