गोकुलेश्वर।दार्चुलाको शैल्यशिखर नगरपालिका—३ कर्कलेमा जिप दुर्घटना हुँदा चालकसहित ३ जना घाइते भएका छन् ।
शैल्यशिखर नगरपालिका —९ गोकुलेश्वर बजारबाट बैतडीको डिलाशैनी गाउँपालिका—३ गिरीबगड जाँदै गरेको से १ ज ११०४ नम्बरको जिप शनिबार (आज) साढे सात बजेतिर कर्कलेमा दुर्घटना हुँदा चालक सहित ३ जना घाइते भएका हुन् ।
घाइते हुनेमा चालक दार्चुलाको मालिकार्जुन गाउँपालिका—८ का ३३ वर्षीय मानसिंह टमटा,जिपमा सवार डिलाशैनी गाउँपालिका—३ का ३० वर्षीय दिपक लुहार र डिलाशैनी—३ की ३० वर्षीया किरन कामी घाइते भएका अस्थायी टा«फिक प्रहरी पोष्ट गोकुलेश्वरका प्रहरी साहयक हवलदार मिनबहादुर नाथले बताए ।
उनका अनुसार चालक मानसिंहको टाउँको र छातीमा चोट लागेको छ । लुहार र कामीको टाउको र मुखमा चोट लागेको छ । घाइतेहरुको अहिले मालिकार्जु अस्पतालमा उपचार भइरहेको छ ।
जिप सडकबाट ३० मिटर तल चमेलिया नदी नजिक खसेको छ । चिप्लो सडक र माथिबाट पहिरो खसेको ठाउँ भएकाले जिप दुर्घटनामा परेको हो ।
