गोकुलेश्वर । दार्चुलाको महाकाली नगरपालिका वडा नम्वर ४ मा पर्ने महाकाली नदिमा हाम फालेर एक पुरुष बेपत्ता भएका छन् । शनिवार साँझ ४ बजे परिचय खुल्न बाकी रहेका अन्दाजि ३५ बर्षिय पुरुषले महाकाली नदिमा हाम फालेको जिल्ला प्रहरी कार्यालय दार्चुलाले जनाएको छ ।
नदिमा हाम फालेर बेपत्ता भएका पुरुषको खोजि कार्यका लागि अहिले नेपाल प्रहरी शसस्त्र प्रहरी र नेपाली सेनाको टोलि घटनास्थलतर्फ गएको दाचुर्लास्थित हाम्रा सम्बादाता हरिस ओडले बताए ।
हामिले यो समाचार तयार पार्दा सम्म उक्त पुरुष बेपत्ता नै रहेको जिल्ला प्रहरी कार्यालय दार्चुलाका सुचना अधिकारी एवम प्रहरी निरिक्षक जगत गाहा मगरले बताएका छन् । पुरुषले हाम फालेको ठाउमा चप्पल मात्रै फेला परेको छ । बेपत्ता पुरुषको खोजी कार्य भईरहेको दार्चुला प्रहरिले बताएको छ ।
