गोकुलेश्वर। नेकपा एमाले दार्चुलाको इन्चार्जमा सहदेव बोगटीलाई खटाएको छ । जिल्ला इन्चार्जको जिम्मेवारी पोलिट्ब्युरो सदस्यहरुलाई दिने नीति अनुसार बोगटीलाई दार्चुला खटाएको हो ।
शुक्रबार बसेको केन्द्रीय सचिवालय बैठकले जिल्लाहरुको इन्चार्जमा पोलिट्ब्युरो सदस्यहरुलाई जिम्मेवारी दिएको हो ।
यस्तै बैतडी इन्चार्जको रुपमा निरुदेवी पाल,डडेल्धुराको इन्चार्जमा गौरी ओली, डोटीको इन्चार्जमा लिला भण्डारी, बझाङको इन्चार्जमा राजेन्द्रसिंह रावल, अछामको इन्चार्जमा लालबहादुर थापा र बाजुराको इन्चार्जमा भैरवबहादुर सिंहलाई खटाइएको छ ।
त्यस्तै कैलालीको इन्चार्जमा गणेशसिंह ठगुन्ना र कञ्चनपुरको इन्चार्जमा नारदमुनि रानालाई खटाएको एमालेले जनाएको छ ।
