गोकुलेश्वर। प्राविधिक शिक्षा तथा व्यावसायिक तालिम परिषद् ९सिटिइभिटी० का कर्मचारीहरू सवार गाडी सुनकोशी नदी खस्दा तीन जना बेपत्ता भएका छन् ।
शुक्रबार बिहान सिटिइभिटीका कर्मचारी सवार बा १ झ ७४६७ नम्बरको जिप भक्तपुरबाट खोटाङतर्फ जाँदै गर्दा सिन्धुलीको गोलन्जोर गाउँपालिका—७ लौकुनको ओरालोमा दुर्घटना हुँदा नदीमा खसेको हो ।
जिपमा चार जना सवार रहेका र एक जना जीवितै सुनकोशी नदीबाट निस्कन सफल भए पनि बाँकी तीन जनाको अवस्था अज्ञात रहेको प्रहरीले जनाएको छ।
बेपत्ता हुने कर्मचारीमा कृष्णबहादुर केसी, यमप्रसाद भुतेल र भानु पौडेल रहेका छन्। उनीहरू सबै अधिकृत स्तरको कर्मचारी रहेको प्रहरीको भनाइ छ ।
उद्धारका लागि जिल्ला प्रहरी कार्यालय सिन्धुलीबाट टोली खटाइएको नेपाल प्रहरीका एसपी राजकुमार सिलवालले जानकारी दिए ।
