गोकुलेश्वर।बैतडीको डिलाशैनी गाउँपालिका ६ स्थित सेटीगाउँ बहुमुखी क्याम्पसको स्ववियु सभापतिमा अनेरास्ववियु क्रान्तिकारीका मोहन बोहरा निर्वाचित भएका छन् ।
बोहराले १०२ मत पाए । उनका निकटतम् प्रतिस्पर्धी नेविसंघका मदन नाथले ६२ मत प्राप्त गरे । सचिवमा अनेरास्ववियुका रमेश माल ११८ मत ल्याएर विजयी भएका छन् । उनका निकटतम् प्रतिस्पर्धी नेविसंघकी अम्बिका जोशीले ५० मत ल्याइन् ।
यस्तै कोषाध्यक्षमा अनेरास्ववियुका मनोज जोशीले ९९ मत ल्याएर विजयी भएका छन् । नेविसंघकी बिमा रावलले ६५ मत ल्याइन् ।
क्याम्पसमा अनेरास्ववियु र अखिल क्रान्तिकारी संयुक्त प्यानल बनाएर चुनाव लडेका हुन् । नेविसंघ एक्लै चुनावी मैदानमा गएको थियो ।
