गोकुलेश्वर। दार्चुलाको शैल्यशिखर नगरपालिका –९ स्थित गोकुलेश्वर बहुमुखी क्याम्पसको स्ववियु सभापतिमा नविन बिष्ट सर्व सम्मत चयन भएका छन् । उनी अखिल नेपाल राष्ट्रिय विद्यार्थी युनियन(क्रान्तिकारी)बाट चयन भएका हुन् ।
यस्तै सचिवमा अखिल नेपाल राष्ट्रिय स्वतन्त्र विद्यार्थी युनियन(अनेरास्ववियु)का ज्ञानेन्द्र गोयला,कोषध्यक्षमा नेपाल विद्यार्थी संघ (नेविसंघ)का जगदीस बिष्ट सर्वसम्मत चयन भएका गोकुलेश्वर बहुमुखि क्याम्पसमा स्ववियु निर्वाचन अधिकृत धनबहादुर बिष्ले बताए ।
उनका अनुसार अनेरास्ववियुबाट प्रत्यक्ष सदस्यमा रुद्रसिंह बिष्ट,केशव दत्त जोशी,मनिसा साउँद र लक्ष्मि जोशी चयन भएका छन् । क्रान्तिकारीबाट हसिला चन्द र नेवि संघबाट गोविन्द सिंह डाँगा सर्व सम्मत चयन भएका हुन् ।
