गोकुलेश्वर। दार्चुलाको एक विद्यालय खेल मैदान नहुँदा विद्यालय स्तरीय राष्ट्रपति रनिङ्ग शिल्ड छनौट प्रतियोगिता सडकमा गर्न बाध्य भएको छ ।
जिल्लाको शैल्यशिखर नगरपालिका–८ स्थित लटिनाथ मावि तल्चौरामा खेल मैदान नहुँदा विद्यार्थीलाई गोकुलेश्वर–झरकाँडा सडक खण्डमा विभिन्न खेलहरु खेलाएर विद्यालय स्तरीय राष्ट्रपति रनिङ्ग शिल्ड छनौट प्रतियोगिता गर्न बाध्य भएका हो ।
विद्यालमा खेलमैदान नभएकाले विद्यार्थीहरुलाई सडकमा लगेर विद्यालय स्तरीय राष्ट्रपति रनिङ्ग शिल्ड प्रतियोगिताको छनोट गरिरहेको विद्यालयका प्रधानाध्यापक हर्कबहादुर चन्दले बताए ।
‘विद्यालयमा खेल मैदान छैन्,हामीहरु बिहान बेलुका सडकमा विद्यार्थीहरुलाई खेलाएर छनोट गरिरहेका छौं,सडकको माथि र तल तिर काम चलिरहेकोले हामीहरु यसरी छनोट गरिरेका हौं ।’ उनले भने,’पटक पटक स्थानीय सरकार,प्रदेश र केन्द्र सरकारलाई खेलमैदान निकार्णका लागि माग गरेको भएपनि कुनै चासो दिएका छैनन् ।’
जिल्लाका ग्रामीण क्षेत्रका विद्यालयहरुमा खेल मैदान नहुँदा खेलकुदको विकासमा अवरोध पुगेको छ ।
