गोकुलेश्वर। दार्चुलामा एक महिलाको शव फेला परेको छ । शनिबार (आज) जिल्लाको शैल्यशिखर नगरपालिका—९ गोकुलेश्वर स्थित चमेलिया नदि किनारमा अन्दाजी २६ वर्षिया महिलाको बेवारीसे अवस्थामा शव फेला परेको हो ।
शैल्यशिखर नगरपालिकाको भवन पछाडी चमेलिया नदी किनारमा करिब अपराह्न ४ बजेतिर महिलाको शव डुबेको अवस्थामा फेला परेको इलाका प्रहरी कार्यालय गोकुलेश्वका प्रमुख प्रहरी निरीक्षक विरेन्द्र सिंह थापाले बताए ।
‘अपराह्न ४ बजेतिर चमेलिया नदी किनारमा डुबेको अवस्थामा शव फेला परेको हो । शवको पहिचान हुन सकेको छैन् । प्रहरी निरीक्षक थापाले भने,’शवलाई परिक्षणका लागि गोकुलेश्वर अस्पतालमा राखिएको छ । ’
घट्ना घटनाबारे थप अनुसन्धान भइरहेको उनले बताए ।
