गेकुलेश्वर। बैतडीको पाटनमा मृत भेटिएका शिक्षक धनबहादुर विष्टको हत्या आरोपमा प्रहरीले बिहीबार पत्रकार सम्मेलन गरेर बोहरा दम्पतीलाई प्रहरीले सार्वजनिक गरेको छ ।
जिल्लाको पुर्चौंडी नगरपालिका -३ न्वादेउ घर भएका श्रीमान–श्रीमति प्रजा बोहरा र बिमला बोहरालाई प्रहरीले सार्वजनिक गरेको हो । बिमला बोहरा कृष्ण मावि पाटनको छात्राबास बस्दै आएकी थिइन् । उनी कृष्ण माविमा कम्प्युटर डिप्लोमा चौथो बर्षमा अध्ययन गरिरहेकी छन् ।
प्रहरीको अनुसन्धानले देखाएका अनुसार पौष १ गते राति शिक्षक बिष्टले बिमला माथि अभद्र व्यवहार गरेको र त्यसको झोकमा श्रीमान प्रजाले शिक्षक बिष्टलाई मुक्का हानेर ढलाएको खुलेको छ । छात्रबासमै हत्या गरेका बिष्टको शवलाई छात्रवासको पछाडि दुवै जना मिलेर फालेको प्रहरीको अनुसन्धानले देखाएको छ ।
‘पौष १ गते साँझको समयमा बिमला बोहरा शौचालय जान्छु भनि बाहिर निस्केकी र ढिलो गर्दा प्रजाले खोजी गर्दा शिक्षक बिष्टले अँगालो हालेको देखेपछि बिष्टलाई मुक्का हानेर ढलाए । त्यसपछि प्रजाले उनको छाती र मुखमा हानेर हत्या गरे ।’ जिल्ला प्रहरी कार्यालयका प्रमुख प्रहरी नायव उपरीक्षक प्रेमबहादुर शाहीले भने ।
अदालतबाट १० दिनको म्याद थपेर अनुसन्धान भइरहेको उनले बताए ।
