गोकुलेश्वर। दार्चुलामा एक युवाको शव फेला परेको छ । जिल्लाको व्याँस गाउँपालिका–४ घोलचौर खोलामा ३५ वर्षीय नरसिंह बिष्टको शव फेला परेको हो ।
मृतक बिष्टको घर सोही गाउँपालिका–४ डोकट रहेको खुलेको छ । ३ गते रातिबाट वेपत्ता भएका विष्टको शंकास्पद अवस्थामा घोलचौर खोलामा शव भेटिएको हो ।
आइतबार भोट हाल्न नआएपछि उनको स्थानीयले खोजि गरेका थिए । विष्ट नेकपा (एमाले) का कार्यकर्ता रहेको खुलेको छ । उनको हत्या भएको हुनसक्ने भन्दै आफन्त आक्रोशित हुनुका साथै सडक बन्द गरेका छन् ।
घटनाको अनुसन्धान भइरहेको जिल्ला प्रहरी कार्यालय दार्चुलाका प्रहरी निरीक्षक राजेश शाहीले जानकारी दिए ।
