गोकुलेश्वर। सुदूरपश्चिम दशनामी+नाथ योगी समाजले ब्लड क्यान्सर पीडित रिजन नाथ बचाऔं अभियान शुरु गरेको छ ।
बैतडीको डिलाशैनी गाउँपालिका—६ चौसेरा निवासी महेश नाथका २ वर्षीय छोरा रिजन नाथलाई निसर्ग हस्पिटल धनगढीमा चेक गराउँदा ब्लड क्यान्सरको रिपोर्ट प्रमाणित भएको थियो ।
हाल बालकलाई थप उपचारको लागि भारतको हरियाणा झज्जर स्थित रहेको एआइआइएमएस (AIIMS)अस्पतालमा उपचार भइरहेको छ । उनको थप उपचार गर्न अझै ६ महिना अस्पतालकै बेडमा भर्ना गर्नुपर्ने र त्यसपछि नियमित रुपमा हस्पिटलको निगरानीमा रहेर ३ वर्ष सम्मको कोर्ष गर्नका लागि झण्डै ३० लाख भारु आवस्यक पर्ने भएको छ ।
परिवारको अवस्था अनुसार उक्त पैंसा व्यवस्थापन गर्न नसक्ने भएपछि सहयोगीहरुलाई आर्थिक सहयोगका लागि अपिल गरेकोे बिरामी बालक नाथका बुवा महेश नाथले जानकारी दिए ।
ब्लड क्यान्सर पीडित नाथलाई सहयोग गर्न चाहने सहयोगीले बिरामी बालकका बुवा महेश नाथको नाममा रहेको ग्लोबल आइएमई बैंक खाता नम्बर ०३१०७०१००१११६७ मा जम्मा गर्न सक्ने छन् ।
यसैगरी थप जानकारी लागि बिरामी बालकका बुवा महेश नाथको मोबाइल नम्बर ९८६२४७९४९२ र समाजसेवी अभियान्ता मधुसुमन नाथको मोबाइल नम्बर ९८१०६५२००० तथासामाजिक संजाल फेसबुकमा रहेको सुदूरपश्चिम दशनामी+नाथ योगी समाजको ग्रोप र पेज बाट समेत जानकारी लिई सकिने सुदूरपश्चिम दशनामी+नाथ योगी समाजका संयोजक मधुसुमन नाथले बताए ।
सुदूरपश्चिम दशनामी+नाथ योगी समाजले विभिन्न रोगबाट पीडित बिरामीहरूलाई विगतमा पनि आर्थिक सहयोग, रक्त दानको गर्नुका साथै विभिन्न प्रतिभा मुखी कार्यक्रम र समाजसेवा क्षेत्रमा काम गर्दै आएको छ ।
