गोकुलेश्वर। नेकपा एमालेको भातृ संगठन राष्ट्रिय युवा संघ नेपालको चुनाव केन्द्रित प्रशिक्षण कार्यक्रम आइतबार (भोली)शैल्यशिखर नगरपालिका—९ गोकुलेश्वरमा हुने भएको छ ।
युवा संघ नेपाल दार्चुला जिल्ला कमिटीले अगामी मंसिर ४ गते हुने चुनाव केन्द्रित प्रशिक्षण कार्यक्रमको आयोजना गरिरहेको युवा संघ दार्चुलाका इन्चार्ज कोमल बिष्टले बताए ।
चुनाव केन्द्रित प्रशिक्षण कार्यक्रममा एमाले पोलिटब्युरो सदस्य एबं प्रतिनिधिसभा सदस्य पदका उम्मेदवार गणेशसिंह ठगुन्नाको प्रमुख आतिथ्यता रहने छ ।
जिल्लामा प्रतिनिधिसभा र दुबै प्रदेशसभा क्षेत्रमा एमालेको विजय सुनिश्चित हुने गरी गाउँघरमा खटिन र जिल्लाको विकासका लागि एमालेले गरेका कामबारे जनतालाई जानकारी गराउन युवाहरुलाई प्रशिक्षण दिन लागिएको हो ।।
