गोकुलेश्वर। आसन्न प्रतिनिधि सभा निर्वाचनमा बैतढीको प्रदेश सभा क्षेत्र नं. (क) का उम्मेदवार एमाले जिल्ला कमिटी अध्यक्ष सुरेन्द्र पालले भेटघाटमा अभियानलाई तीब्र बनाएका छन् ।
उनले टोल,बस्ती,पार्टीका बैठकहरु लगायत भेटघाटमा अभियानलाई तीब्र बनाएका हुन्। औपचारिक रुपमा प्रचारप्रसारका कार्यक्रम शुरु नभएपनि बस्ती भेटघाट र पार्टीका बैठकहरुमा जोड दिइएको पालले बताए ।
शिक्षा,स्वास्थ्य, भोतिक निमार्ण र समृद्ध बैतडी बनाउने बाचासहित उनी गाउँ, पार्टीका बैठक ,टोलबस्ती भेटघाट अभियानमा व्यस्त छन् ।
उनले प्रदेश सभा क्षेत्र नं. (क) विभिन्न पालिका,वडा टोल र वस्तीमा पुगेर जनताहरुसँग भेटघाट गर्ने, सम्बृद्ध बैतडी निर्माणका लागि आफुले गरेका काम र अब गर्ने कार्यहरुलाई जानकारी गराउने लगायतका काम प्रदेश सभा क्षेत्र नं. (क) सम्पुर्णबासीहरु माझ राख्ने गरेका छन् ।
शिक्षा,स्वास्थ्य, भौतिक निमार्ण लगायतका अन्य मानवीय विकासलाई सँगसँगै लैजानेगरी आफु अगाडि बढेको उनको भनाइ छ ।
सर्वसम्मत रुपमा उम्मेदवार छनोट गरेको दाबी गर्ने एमालेले जिल्लाभरीका टोल बस्तीहरुमा भेटघाटलाई निरन्तरता दिएको हो ।
यस्तै एमालेले बैतडीको प्रतिनिधि सभा सदस्यका लागि प्रदेश कमिटि अध्यक्ष दामोदर भण्डारी र प्रदेश सभा क्षेत्र नं. (ख)का लागि केन्द्रिय सदस्य एवं जिल्ला सहइन्चार्ज लिलाधर भट्टलाई उम्मेदवार बनाएको छ ।
एमालेबाट प्रतिनिधि सभाका लागि दामोदर भण्डारी उम्मेदवार बन्ने निश्चित भएपछि उनी तेश्रो पटक जित हासिल गर्ने दाउमा लागेका छन् । गएको निर्वाचनमा पनि बैतडीबाट निर्वाचित भएका भण्डारीले २०७० सालको संविधान सभा निर्वाचनमा पनि निर्वाचित भएका थिए ।
यस्तै प्रदेश सभा क्षेत्र नं.(ख) मा एमालेका लिलाधर भट्ट दोहोरिने कसरतमा छन् । एमालेबाट उम्मेदवार सुनिश्चित भएपछि उनी पनि अहिले दोश्रो पटक जित निकाल्ने प्रयासमा लागेका छन् ।
