गोकुलेश्वर । दार्चुलामा करेन्ट लागेर एक बालक घाइते भएका छन् । जिल्लाको लेकम गाउँपालिका वडा नम्बर ६ तेलीगाउँका बस्ने असोक नाथका १७ बर्षिय छोरा अंकुस नाथ करेन्ट लागेर घाईते भएका हुन् ।
आज (मंगलबार) दिउँसो करिब १ बजेको समयमा आफ्नै घरको बाहिर पट्टि वाईरिङ्ग गरेको बिजुलीको तार भुँईमा खसेको र सो तार जडान गर्नेक्रममा करेन्ट लागेको हो । बालकको बाँया हातको दुई आँैलामा काटिएका छन् भने शरिरका अन्य भागमा समेत करेन्ट लागेको छ ।
घाईते बालकको गोकुलेश्वर अस्पतालमा उपचार भईरहेको छ भने बालकको अवस्था जोखिममुक्त रहेको बालकका बावु असोक नाथले बताए ।
