गोकुलेश्वर । दार्चुलाको महाकाली नगरपालिका–५ किम्तडी ठण्याकाठामा लेदासहितको पहिरो खस्दा खंलगा–गोकुलेश्वर सडक अबरुद्ध भएको छ ।
केहि समय पहिले मात्रै मर्मत सम्भार सम्पन्न गरिएको किम्तडी ठण्याकाठामा माथिबाट लेदोसहित पहिरो खस्दा विहान ७ बजेबाट महाकाली लोकमार्ग अन्तरगत खंलगा–गोकुलेश्वर सडक खण्ड अबरुद्ध भएको जिल्ला प्रहरी कार्यालय दार्चुलाका प्रहरी निरीक्षक एंव सूचना अधिकारी छत्र बहादुर रावतले बताए ।
सडक अबरुद्ध हुदा तराईबाट जिल्ला सदरमुकामको लागी छुटेका तथा जिल्लाबाट बाहिरिने सवारी र यात्रुहरु बाटोमै अलपत्र परेका छन् ।
