गोकुलेश्वर । बैतडीको डिलासैनी गाउँपालिकामा सम्पन्न पाचौँ पालिकास्तरीय राष्ट्रपति रनिङ शिल्ड प्रतियोगिताको उपाधी सेटिगाउँ माविले हात पारेको छ ।
माघ १२ गतेबाट वडा नम्बर ५ स्थित हरिनगर खेल मैदान गोकुलेश्वरमा शुरु भइ आज सम्पन्न भएको प्रतियोगितामा १५ स्वर्ण सहित सेटिगाउँ माध्यमिक विद्यालय ककरपाखा प्रथम भएको हो ।
गाउँपालिकाभित्रका १३ वटा माध्यमिक विद्यालयहरुको सहभागिता रहेको प्रतियोगितामा १२ स्वर्ण पदक सहित दुर्गा माध्यमिक विद्यालय सिमार द्वितीय र ३ स्वर्ण पदक सहित मण्डेश्वरी माध्यमिक विद्यालय धावलाले तृतीय स्थान प्राप्त गरेको छ ।
