गोकुलेश्वर । दार्चुलामा सिट क्षमता भन्दा बढि यात्रु बोकेका १३ ओटा सवारी साधन कारबाहीमा परेका छन् ।
जिल्ला प्रहरी कार्यालय तथा जिल्ला ट्राफिक प्रहरी कार्यालय दार्चुलाबाट खटिएको संयुक्त प्रहरी टोलीले जिल्लाका बिभिन्न सडक खण्डमा सवारी साधन चेक जाँच गर्दा भाडाका सवारीमा सिट क्षमता भन्दा बढि यात्रु बोकेका ९ वटा सवारी साधन सहित जम्मा १३ वटा सवारी साधनहरुलाई कारबाही गरेको हो ।
पछिल्लो समय बढ्दो सडक दुर्घटनालाई न्यूनीकरण गर्न सवारी चेकजाँचमा कडाइ गरिएको जिल्ला प्रहरी कार्यालय दार्चुलाले जनाएको छ ।
