गोकुलेश्वर।दार्चुलाको मार्माबाट २ किलो ६ सय ग्राम चरेससहित एक जना पक्राउ परेका छन् ।
जिल्लाको मार्मा गाउँपालिका-३ बिटुलेका ३० वर्षीय लोकेन्द्र महर चरेससहित पक्राउ परेका हुन् । चरेस बिक्रीवितरण भइरहेको भन्ने विशेष सूचनाका आधारमा ईलाका प्रहरी कार्यालय गोकुलेश्वरका प्रहरी निरीक्षक किशोर ऐरीको नेतृत्वमा खटिएको टोलीले उनलाई पक्राउ गरेको हो ।
खानतलासी गर्दा मंगलवार राती साढे आठ बजेतिर महरको घर र पसलबाट २ किलो ६ सय ग्राम चरेस फेला पारी नियन्त्रणमा लिइएको जिल्ला प्रहरी कार्यालय दार्चुलाले जनाएको छ ।
पक्राउ परेका महरमाथि थप अनुसन्धान भइरहेको जिल्ला प्रहरी कार्यालयले जनाएको छ ।
