गोकुलेश्वर।सुदूरपश्चिमका भौतिक पुर्वाधार विकास मन्त्री सुरेन्द्रबहादुर पालले सुदूरपश्चिमको सडक गुरुयोजना नीति बनाउने निर्णय गरेका छ्न ।मन्त्री पालले पहिलो प्रस्तावका रुपमा सुदूरपश्चिममा सडक गरुयोजनाको नीति बनाउने भन्दै हस्ताक्षर गरेका छ्न ।
‘मैले मन्त्रालयको जिम्मेवारी सम्हाल्दै पहिलो निर्णयका रुपमा सुदूरको सडक सञ्जालको नीति बनाउनेमा हस्ताक्षर गरेको छु ।’उनले भने,’मेरो प्रार्थमिकता सुदूरपश्चिमको सडक हुनेछ ।यसका लागि मैले जे जे गर्नुपर्छ म गर्ने छु ।अहिले पुर्वाधारको अवस्थाका बारेमा बुझेर सहि योजनामा लगानी गर्ने योजना बनाएको छु । मैले चुनौतीपूर्ण रहेको मन्त्रालयको जिम्मेवारी सम्हालेको छु । यस चुनौतीलाई अवसरमा बदल्ने मेरो प्रयास रहनेछ ।’
मन्त्री पालले यसअघि जेठ २८ गते सुदूरपश्चिम प्रदेशको आर्थिक मामिला मन्त्रीको जिम्मेवारी सम्हालेका थिए ।उनी मात्र २४ दिनका लागि आर्थिक मामिलामन्त्री भएका थिए ।
त्यसपछि,केन्द्रमा गठबन्धन फेरिएपछि एमाले सरकारबाट फिर्ता भएको थियो ।पछिल्लो समयमा नेपाली कांग्रेस र एमालेबीच सत्ता समीकरण भएपछि प्रदेशमा पनि सोही अनुसार समीकरण बनेको हो। उनी नेकपा एमालेको तर्फबाट भौतिक पुर्वाधार मन्त्रीको जिम्मेवारी पाएका हुन ।
उनी नेकपा एमालेको तर्फबाट गत प्रदेश सभाको निर्वाचनमा बैतडी निर्वाचन क्षेत्र (क) बाट प्रत्यक्ष निर्वाचित भएका थिए ।
मन्त्री पालले जनताको बहुदलीय जनवादको कुशल व्याख्याताको रुपमा छवि बनाएका छन् ।
