गोकुलेश्वर।दार्चुलामा भीरबाट लडेर एक महिलाको घटनास्थलमै मृत्यु भएको छ ।

जिल्लाको शैल्यशिखर नगरपालिका—८ झरकडा (पतेगैर) की ५० वर्षीया अम्बिकादेवी जोशीको मृत्यु भएको हो ।
बुधबार (आज)दिउँसो साढे ३ बजेतिर घर नजिककैको पहिराधारमा घाँस काट्न गएका बेला भीरबाट लडेर घटनास्थलमै मृत्यु भएको पारिवारिक श्रोतले जनाएको छ ।
उनी भीरबाट करिब २ सय मिटर तल खसेकी थिइन् । मृतक जोशीका श्रीमान,२ छोरा र १ छोरी छन् ।
