गोकुलेश्वर। भारतको गुजरातबाट लखनउतर्फ आइरहेको बस दुर्घटनामा मृत्यु भएका तीन जनाको परिचय खुलेको छ। दुर्घटनामा कैलालीको टीकापुरका तीन जनाको परिचय खुलेको हो।
प्रहरीकाअनुसार टीकापुर नगरपालिका -१ का ५५ वर्षीय चन्द्र साउद, ४५ वर्षीय ललित साउद र २० वर्षीया निर्मला बोहराको मृत्यु भएको छ। दुर्घटनामा ज्यान गुमाउने अर्का व्यक्ति भने भारतीय चालक हुन्। अन्य १७ जना घाइते भएका छन् । दुर्घटनाको कारण भने खुलेको छैन ।
भारतको गुजरातबाट कैलालीको टीकापुरतर्फ आउँदै गरेको बस आइतबार राति भारतको लखनउ नजिकै उन्नाउ भन्ने ठाउँमा दुर्घटना भएको थियो। प्रारम्भिक जानकारीअनुसार बसमा ४ जना नेपालीको मृत्यु भएको खबर छ।
बसमा सवार अन्य केही घाइते भएका छन् । बसमा ६६ जना यात्रु रहेको खबर आएको छ । लखनउदेखि ३० किलोमिटर अगाडी बस दुर्घटना भएको हो । उक्त बस अर्को बससँग ठोक्किएर दुर्घटना भएको थियो। बसको नम्बर खुल्न सकेको छैन् ।
