दार्चुला। दार्चुलामा सत्तारुढ गठबन्धनमा आबद्ध दलका कार्यकर्ताले अवरुद्ध गरेको सडक सुचारु भएको छ ।
जिल्लाको गोकुलेश्वर–खार खलंगाको धुलीगडा क्षेत्रमा सडक अवरुद्ध गरेको थियो । आफ्ना कार्यकर्तालाई नेकपा एमालेका कार्यकर्ताले कुटेको भन्दै उनीहरुले सडक अवरुद्ध गरेका थिए ।
सडक सुचारु भएपछि नौगाडमा भएको चुनावी कार्यक्रममा लागि गएका कलाकार, एमाले कार्यकर्ता तथा स्थानीय बासिन्दा आ—आफ्नो ठाउँमा पुगेका छन् ।
आइतबार नौगाड गाउँपालिका–६ खेडामा प्रचारप्रसारमा खटिएको गठबन्धन र नौगाडको जामिरमा आमसभामा गइरहेका एमाले कायर्कर्ता बीच दोहोरो झडप भएको थियो ।
