धनगढी । सुदूरपश्चिम प्रदेशको राजधानी धनगढीमा मेरुदण्डको सफल शल्यक्रिया हुन थालेको छ। एक वर्षअघि प्रदेशको राजधानी धनगढीमा रहेको निसर्ग अस्पतालले मेरुदण्डको शल्यक्रिया सुरु गरेको थियो । प्रदेशमै पहिलो पटक एकवर्ष पहिले निसर्गमा मेरुदण्डको सफल शल्यक्रिया भएको थियो ।
भिरपाखामा कामगर्दा रुख बिरुवा काट्दा लडेर यस क्षेत्रका थुप्रै नागरिकले मेरुदण्ड गुमाउनु परिरहेको बेला आफ्नै प्रदेशमा उपचार पाँउदा केही सहजका साथै उपचार खर्च समेत कम लाग्ने गरेको छ । धनगढीमै मेरुदण्डको सफल शल्यक्रिया हुन थालेपछि यस प्रदेशका जनतालाई सहज भएको छ। पहिले यो सेवा नुहदाँ नेपालगंज, काठमाण्डौँ लगायतका अन्य शहरमा जानुपर्ने बाध्यता थियो ।
निर्सग अस्पतालमा मरेदण्डको शल्यक्रिया न्युरोसर्जन डा सुरेश सापकोटा, अर्थोपेडिक सर्जनद्धय डा श्रीराम खाती र डा ओमकार बिष्ट, एनेस्थेसियोलोजिष्टद्धय डा हेमन्त ओझा र डाक्टर सुनिल भटृको टीमले सेवा प्रदान गरिरहेको छ । सुदूर पहाडका नागरिकलाई सेवा लिन जाँदा उपचार खर्च पनि बढी लाग्ने र समय पनि बढी लाग्ने भएका कारण सास्ती भोग्नु परिरहेको थियो । एक त समयमा उपचारका लागि पालो नपाईने पालो पाए पनि खर्च बढी लाग्ने गरेको थियो ।
गर्धनदेखि कम्मर सम्मको हड्डी भाँचिएका बिरामीहरूको सफल शल्यक्रिया आफ्नो टिमले दिईरहेको डाक्टर बिष्टले बताए । मेरुदण्ड मानव शरीको महत्वपूर्ण अंग भएकाले पनि यसको विशेष ख्याल राख्नुपर्ने उनको भनाई छ । केहीबर्ष पहिला सम्म मेरूदण्डको हड्डीभाँचिएका बिरामीहरू नेपालगन्ज, काठमाडौं या भारततिर जानुपर्ने बाध्यता थियो डाक्टर बिष्टले भने पछिल्लो एक वर्षदेखि नियमित रूपमा गरेर सेवा दिन पाउँदा हामी एकदमै खुशी छौं ।
निर्सज अस्पतालमा एक बर्षको अवधिमा ५० बढी मेरुदण्डको सफल शल्यक्रिया भएको अस्पतालले जनाएको छ। यसको शल्यक्रियको खर्च बिरामीको प्रकृती हेरेर १ लाख ५० हजार देखि २ लाख ५० हजार सम्मलाग्ने गरेको अस्पताल श्रोतले बताएको छ ।
