गोकुलेश्वर। नेकपा एमालेका उपाध्यक्ष विष्णु पौडेलले भीम रावलले पार्टीको हित विपरीत एकपछि अर्को गर्दै गलत काम गरेको आरोप लगाएका छन् ।
शुक्रबार प्रेस चौतारी कैलालीले धनगढीमा आयोजना गरेको पत्रकार सम्मेलनमा पौडेलले रावलले पार्टीका निर्णयविरुद्ध बोल्ने तथा अनुशासन उल्लङ्घन गर्ने काम गरिरहेकाले गल्ती स्वीकार्दै आत्मालोचना नगरे पार्टीले उचित निर्णय लिने बताए ।
‘भीम रावल जीले एउटा पार्टी सदस्य, नेताले गर्नुपर्ने कर्तव्य निर्वाह गरेको छैन । उहाँले पार्टीको निर्णयमानेको छैन । अनुशासन उल्लङ्घन गरेका छन् ।पार्टीलाई कमजोर पार्ने गतिविधि भइरहेका छन्,’ पौडेलले भने, ‘उनले एकपछि अर्को गल्ती गर्दै हुनुहुन्छ । कमरेड भीम रावलले आफ्ना गल्ती स्वीकार गर्नुस्, आत्मालोचना गर्नुस् ।’
