गोकुलेश्वर। नेपाली कम्युनिस्ट पार्टीले पुस ४ गते दार्चुलामा सन्देश सभा गर्ने भएको छ ।
विभिन्न वाम घटक मिलेर नेपाली कम्युनिस्ट पार्टी गठन भएपछि दार्चुलामा सन्देश सभा गरिने भएको हो ।
नेपाली कम्युनिस्ट पार्टीका नेता भीम रावल , भानुभक्त जोशी , खगराज भट्ट लगायत अन्य नेताहरु कार्यक्रममा सहभागी हुने छ्न ।
एकता सन्देश सभामा जिल्लाका नौ वटै स्थानिय तहका सम्पुर्ण नेता, कार्यकर्ता लगायत नेपाली कम्युनिस्ट पार्टी प्रति आस्थावान साबैलाई सहभागि हुन कम्युनिस्ट पार्टी दार्चुलाले अनुरोध समेत गरेको छ ।
१९ कात्तिकमा काठमाडौंको राष्ट्रिय सभागृहमा आयोजित एक कार्यक्रमका बीच नेकपा माओवादी केन्द्र, नेकपा एकीकृत समाजवादीसहित एक दर्जन वाम घटकबीच एकता घोषणा गरिएको थियो ।
